一個喪禮

亞七去咗一個喪禮，仙遊嘅係舊居嘅隔離鄰舍─ 妹姐。佢係七媽嘅好朋友，而佢嘅仔女係亞七一眾家姐同亞哥嘅兒時玩伴，到今時今日，大家都已經有下一代，但係感情不變﹗

當日夜晚，除咗二姨响紐西蘭，所有家姐同亞哥都有出席，好似新年咁齊人，唔怪之得啲人話：有乜嘢講，留番拜山先講啦﹗我哋眾兄弟姊妹去到，默禱之後，家屬謝禮。好開心妹姐都信咗主......我啲家姐亞哥一坐埋就同啲兒時玩伴傾吓計，講吓近況，而亞七因為年齡太細，唔係好搭到咀，但係見到佢哋，成個畫面好和諧......正如亞七之前講過，好朋友係唔需要成日見，但係一見面可以講乜都得，佢哋就係咁。
去完喪禮，眾兄弟姊妹一齊去食飯，我諗都無咁幾多次咁齊人而無七媽份﹗大家講吓笑，傾吓計，咁就過咗一晚。

感謝主比我有一、二、三、四、五、六個家姐同亞哥，感謝主佢哋個個都咁鍚我﹗