明天，亞七將同教會50幾位弟兄姊妹到韓國，連同其他國家嘅華人，大概有三千人吧﹗目的只有一個，就係要遇見神﹗你可能會問點解一定要去韓國﹖難道响香港不能遇見﹖非也非也，只係可以離開一個你熟識嘅地方，離開你嘅電腦，你嘅工作崗位，你瞓嘅床，重有你個成日響嘅電話﹗只係單單嘅去思想神，單單嘅去同神親近.......我諗响香港真係未必做得到﹗
盼望去韓國嘅所有弟兄姊妹都被神觸摸，帶著永不滅嘅火番嚟香港，燒著其他人嘅心﹗Amen!!!
2008年7月17日 星期四
訪韓倒數：三天
勇敢走出去
讚美之泉 最珍貴的角落
主你要往哪裡走，我就跟你走，
領我走到世界盡頭，一生不再回頭；
讓世界聽到我們敬拜，我們的禱告，
讓復興從我們開始，將主愛帶到人群中。
我並不完美，也並不特別，
而你卻是為我捨棄生命的主；
我時常軟弱，有時會迷惑，
但你是道路真理和生命。
主你要往哪裡走，我就跟你走，
領我走到世界盡頭，一生不再回頭；
讓世界聽到我們敬拜，我們的禱告，
讓復興從我們開始，將主愛帶到人群中。
縱然有許多的問題，我也不放棄，
你大能賜給我勇氣，我會勇敢走出去。
主你要往哪裡走，我就跟你走，
領我走到世界盡頭，一生不再回頭；
讓世界聽到我們敬拜，我們的禱告，
讓復興從我們開始，將主愛帶到人群中。
2008年7月9日 星期三
曾Sir
話說屋企嘅墻上面有啲小昆蟲，一點點，會行嚟行去，好驚又好討厭﹗七公就去啲討論區睇吓有無人都有同樣嘅情況。點知一搵，願來都有好多過來人，同我哋一樣。咁當然，最緊要睇吓有無解決方法啦。討論區啲人就咁講喇：
香港環境潮濕，家居常出現一些比黃絲蟻還細小的淺色幼蟲，牠們不但爬得很快，而且會彈跳，十分令人討厭，殺蟲劑亦不能把牠們趕盡殺絕。原來這種小不點的幼蟲名叫「卜泥」，通常受腐味及灰水味道吸引。澳洲出產的殺蟲消毒劑Spectrum具有殺菌消毒功效，毋須過水，對付「卜泥」很湊效，是曾Sir推薦的產品 之一。
曾Sir專門店
香港筲箕灣道360A天悅廣場1068舖
電話：25681951
原來係咁﹗曾Sir﹖曾近榮囉，哥士的嗰個呀；筲箕灣﹖好遠啫﹗
如是者，因為有事去港島，就順便去埋買喇﹗一去到，個商場真係好"up dup"，但總算指示清晰，好快就搵到曾Sir間舖喇，細細間咁，唔知曾Sir响唔响到呢﹖
响到......响到瞌眼瞓，一頭稀疏嘅白髮，令亞七感到歲月不留情.........我入到去，叫咗一聲曾Sir，就開始講屋企有卜泥嘅事喇.......
亞七：曾Sir, 想問吓你有無呢隻藥水買呀﹖(亞七將網到print出嚟嘅資料比曾Sir睇。)
曾Sir：睇吓...(瞌緊眼瞓無帶老花鏡，所以好慢咁帶番) 哦，有，你要嚟乜嘢用架﹖
亞七：我屋企有卜泥呀。
曾Sir：你知唔知係乜嚟架﹖係咪呢啲呀﹖(之後見到佢响隔離個架到，搵咗一張寫住「卜泥」嘅卡出嚟。佢將張卡反轉，我就見到有一條透明膠紙"痴"咗好多响亞七屋企出現嘅小昆蟲，係標本﹗精彩﹗)
亞七：係，係呢啲喇﹗
曾Sir：!*(&&*&^%#$^&((*&^%^* $%^%^(^&%(&$(&%^$(
曾Sir講乜﹖佢竟然將forum同icare forum入面佢講過嘅說話，同亞七由頭講一次﹗唔係，係背一次﹗好攪笑﹗
之後佢教埋亞七點用，我就比咗二十五個大洋買咗。曾Sir重話，响香港無乜地方有得買，佢呢啲貨都係大學嘅教授朋友幫佢留起。同佢講咗一聲Bye Bye之後亞七就離開﹗
亞七係"30 something"，自然睇過「婦女生滋」，曾Sir一日到黑都叫人用哥士的.....今日大個竟然可以見到佢、請教佢，感覺................好特別﹗
後記：
亞七買咗支藥水返去，照足曾Sir講咁做，家吓蟲仔無哂﹗Yeah!
曾Sir，你係得嘅﹗
訂閱：
文章 (Atom)