update 吓啦....

嘩...好耐都無update個Blog，係我自己懶、唔想寫、定係無乜事發生呢﹖諗諗吓，係因為太多嘢發生，多到都唔知點寫好.....不過開心多過唔開心....已經好好喇...

五月尾搬咗屋，由一個社區搬到另一個社區，感覺係：好似去咗Camp咁﹗雖然間屋係大咗，但係冷氣嘅問題都折騰咗我同七公一段時間，好彩間屋係租嘅，整冷氣唔洗我哋比錢，唔係都幾甘....阿七嘅結論係：買樓，一定要買新地.....搬咗屋，返教會好方便，只係五十步路程，真係爽﹗

七婆八月尾跌親，入咗醫院，呢個九十三歲嘅老人家，醫生竟然話可以同佢做手術﹗勁﹗你知啦，通常咁大年紀，醫生未必會同佢做，但係評估完之後，大夫話七婆仍然好健壯，真係感恩﹗喺呢件事，七婆決志信耶穌﹗阿七好開心，因為七媽都係亞七帶佢決志﹗主耶穌嘅說話無一句落空，"當信主耶穌，你和你一定都必得救﹗" YEAH!

九月係亞七生日加結婚週年嘅月份，今年過得好特別，因為同七公 + 九個弟兄姊妹 + Holy B，一齊去咗以色列十九日......去過耶穌到過嘅地方.....參加大型聚會，一個個難忘嘅經歷又再出現响亞七嘅腦到.....亞七知道，過咗呢十九日，亞七生命從此不一樣，因為更加知道呢個世界家吓發生緊啲乜嘢事，但願亞七能盡本份，唔好懶惰﹗最後多謝鼓佬响亞七出發之前話比亞七知有乜準備，無論心理定行李，總知多謝哂﹗

多謝各位向亞七送上生日嘅祝福，亞七定當銘記於心....

種子

種子 - 雪狼湖

作詞：潘源良　作曲：Dick Lee　編曲：Iskanda Ismail
演唱：張學友/符潤光

無窮能量在愛孕育時
重燃期望讓心照亮時
才能承受世間風風雨雨

漫漫長路錯失幾多次
仍能尋覓極真的一次
求能明白這美麗微妙處

重拾自信　前路就算變化未知
重尋自我　抬頭還是漢子　永未遲

懷著每份暖　化做愛的種子　來讓這世間　洒滿真心美意
誰為愛受痛　情在心內刺　每分安慰每句問候仍真摰

無論最後最愛是會否相依　始終擁有這信念　永存未移
無盡愛情路　結果不會知　仍是說願意

原來情是上天的賞賜
你與我傳遞彼此給予
才能同步向燦爛明媚處

 

將這首歌送給EK，雖然亞七同你不是太熟，但在主內，我們是一家人﹗加油﹗

倒數......

隨主而居：倒數六天......

詩歌分享...

重演這生

曾否夜靜看星辰？曾否盼望前途在我手？
曾否失意徬徨？曾否不知方向？
前路遠還是孤身的再走。

曾否落淚說分離？曾否往日濃情亦放手？
誰知昨日良朋，現已各有新的方向，
常幻變誰又最是恆久？

原來耶穌降生，留低救恩，流血說我愛罪人，
憑十字架沉重代價，來讓我再活這生，
原來拿出信心能得永生，憑著信會看見父神，
讓我明白到我知道這是愛。

曾否玩樂後怕一人？才知快樂原來沒永久。
曾經可愛事情，能否一生擁有？
時日過仍是空虛的再走。
曾否獨處一人？曾否錯後餘留後悔心？
曾否軟弱無能，病裡思想一生真諦，
無奈處問這一生為何走？

原來耶穌降生曾犧牲，還說要赦免罪人，
來尋覓我來原諒我，來讓我再獲新生，
求能拿出決心重演這生，前路遠要靠你導行，
願意離罪惡這一生再活過。

歌曲中有很多問題，但歌曲中也找到答案。你呢﹖你找到答案沒有﹖

What's up?

好隨意咁問你一句：最近壓力好大呀﹖你竟然粒聲唔出嬲咗我，亞七個心大叫：What's up?乜嘢事呀﹖我做錯啲乜呀﹖我都係關心你先問你一句啫.......


同A仔食飯，A仔問洗唔洗買嘢比你食，打比你又發我脾氣，之後更send SMS話咁樣變成催你咁。亞七個心大叫：What's going on?乜嘢事呀﹖又踩親你條尾﹖你重講唔想聽到我把聲，我都係想問你食唔食啫......

同牛兄講呢兩件事，結論係：亞七，你唔好彩囉，踩中個地雷。
但係亞七都唔知有地雷，咁就死咗......................................................

2009復活節假期的第一天

復活節假期的第一天，竟然是到和合石﹗
在廿幾年前，七細舅父就埋葬在這裏，印象中的細舅父是一個常常買雪糕及多多給我的舅舅，七媽說是因為舅舅要醫病，所以從鄉下到香港，但最終都是英年早逝......他逝世時我還很少，只記得七媽及七婆都很傷心......

不太喜歡行山的我，由於今早和合石封路，而舅舅的墓穴在山上，唉﹗好甘呀﹗不過今早的天氣非常好，輕風飄送，加上路旁的花草樹木非常健康，令亞七非常高興......終於都到了，因為每年春秋二祭，亞七一家只會到屯門的青松X探舅舅，所以我們很少到和合石掃墓，但驚喜的是墓碑保養得非常好。七四姐夫經過一輪的祭祀，我們鞠躬後便離開。

由於浩園都在和合石，我們都沒有去過，也希望到那裏致敬，下山時便到那裏看一看。不去由自可，一去原來很遠呢﹗那裏埋葬了很多英雄及英雌，以前亞七只有在電視新聞見到的影像，今天在亞七眼前......一班維護市民生命的警務人員及消防隊人員......一班沙士殉職的醫護人員......令亞七眼濕濕，尤其是謝婉雯醫生...我們都在她的墓前致敬......

耶穌說：我實實在在地告訴你們：一粒麥子不落在地裏死了，仍舊是一粒；若是死了，就結出許多子粒來。

致謝醫生：

謝謝妳的英勇行為，謝謝妳的堅持，謝謝妳的犧牲，謝謝妳的見證......亞七深信，雖然妳已經到父那裏，但妳的事蹟將會結出許多果子......謝謝.......

確立......

忙碌的工作，令整個生命陷入混亂，很多負面聲音圍繞著我，但亞七深知，聖靈正為我爭戰，擊破每一個令我生命有損的聲音，就像玩泡泡龍一樣，要令整個畫面"Clear"，再挑戰第二關。感恩的是，聖靈一定會完成，只要我順服，只要射泡泡的槍給衪，不要搶著要射泡泡，衪一定會"Clear"﹗感謝主﹗

到教會禱告，原本只為姊妹禱告，但結局除了她被祝福外，我亦得著了肯定，得到確立﹗感謝主﹗很久沒有令我非常喜悅的事，那種感覺，就像風雨飄搖中，你找到了一個地方可以落腳。很實在，整個心因此而定下來，很平安。

未來會怎樣﹖不知道，但我興奮地等著瞧呢﹗

忙

很久沒有update個blog，皆因工作繁忙，幾時先可以放吓長假﹖見到D80媽媽去完英國嘅相，真係有啲心郁郁......

希望快啲忙完啦﹗已經好攰喇﹗

 

 

我的花花

雯雯姐姐三年幾前送給我兩盆的紫羅蘭，一直都在亞七家中半生不死，半年後，由於兩盆的紫羅蘭都沒有死，所以她特別再送多一盆正在開花的紫羅蘭給亞七作獎勵，然後亞七將其中一盆的葉剪下，分枝出另一盆，四盆在家中在缺乏陽光的因素下，沒有開過花﹗

到了"新新地"工作，在工作間很多植物，D80媽媽更有很多分枝出來的紫羅蘭，有好幾盆都開了花，就算很小盆的也有，亞七便將家中的四盆遷移到"新新地"，希望它們好過點。

經過八個月的時間，到了春天，四盆都有開始有花﹗亞七很開心亦很期待，每日都想它們快快長大，快快開花，終於有一盆開花了﹗

記得小時候唱的一首歌：

春天來了
青蛙媽媽睡醒了，呱呱呱呱呱叫；
青青的楊柳隨風飄，地上長青草。
小鳥在歌唱，春天來了，春天來了﹗

原來，小小的盆栽都知道春天來了﹗不禁讚嘆神的創造﹗亞七又想起了一道歌：

無言的讚頌
無言、無語、亦無聲音可聽，
神的大能，卻在世上知曉，
日頭冒升，又回歸於出處，
神的恩惠，又似日光普照，
諸天述說主的榮耀，穹蒼傳頌神大能力，
每日每夜發出詩句，讚美全能上帝﹗

紫羅蘭不斷的開花，越開越大，越開越多，令亞七非常開心﹗亞七又發現，原來盆栽可以令亞七心境開朗，在沉悶的工作環境中，添上新氣﹗

2008大事回顧

2008年1月
- 亞七憑信心報暑假嘅訪韓聖會，之後先去搵工。
- 同七公拍拖十週年，當日我哋去咗動植物公園探好朋友，下午到咗銅鑼灣一間酒店食下午茶自助餐。

2008年2月
- 愛我的主聽我的禱告，有得見工喇﹗見咗兩份，重記得一份係响年廿八見嘅，而另一份係新年後，奇妙地我可以去見，奇妙地成功咗﹗重可以放暑假﹗謝主隆恩﹗

2008年3月
- 一個月通知走佬，要清假，同七公去咗全球最好嘅動物園：新加坡動物園探朋友，重一齊食早餐﹗好開心﹗

2008年4月
-要告別同事，轉到"新新地"，適應新工作﹗

2008年5、6月
- 繼續適應新工作，因為真係好唔同﹗
- 愛我的主繼續聽我的禱告，七公生命更新﹗

2008年7月
-去訪韓聖會，感謝主﹗醫治咗我個心嘅傷患﹗重有好多生命嘅改變﹗又可以見到韓國朋友﹗又可以食到home-made 泡菜﹗yeah!

2008年8月
- 叉完電繼續返工，不過老闆放假，可以放鬆啲﹗

2008年9月
- 亞七同七公五週年紀念，同咗MoMo一家暢遊迪迪尼﹗

2008年10月
- 開始為七老爺一家祈禱，"天天"發動攻勢，邀約他們到阿Nick的佈道會。
- 同七公去咗三日兩夜嘅夫婦知心營，去完嘅感覺係：好似再渡蜜月﹗值得推介﹗

2008年11月
- 七老爺一家去唔到阿Nick佈道會，但竟然去到大球場嘅"人可以向上帝禱告"﹗七姑奶都係第一次去佈道會﹗感謝主﹗七奶奶填咗"回轉"﹗

2008年12月
- 無乜抽獎運嘅亞七，响聖誕聯歡會玩"Bingo" bingo咗，新新地月刊一月號有登亞七張相。
- 十二月二十五日，信了主十年的我，第一次在佈道會中做培談員，但最後竟然有一個初信的太太"捉"了我要我為她代禱﹗
- 亦是十二月二十五日，劉阿姑、牛兄及我見證了神的大能﹗感覺就像耶穌水變酒的侍應，明明是水，但客人喝的是酒﹗勁﹗
- 十二月二十六及七日，與七公、劉阿姑及阿姑的朋友到了澳門祝福，再到以前短宣住宿的地方，亦探了一間教會，非常充實，亦見識了Mary Kay的威力﹗

如有遺漏，請留言﹗

2008年好多恩典，謝謝天父對我嘅厚愛﹗