我的子女

四日三夜嘅培靈營終於完滿結束，今年特別嘅係我哋一班兒童導師要睇實班小朋友，唔可以參加所有嘅聚會，但係神再一次話比亞七聽，佢好喜悅亞七嘅事奉。

响兒童區事奉大大話話都快有十年嘅光境，當然亞七都有嘗試响其他崗位事奉過，但係"小朋友"响亞七心中係最扎心﹗其實做兒童事奉係一件令人好疲倦嘅事，加上年紀開始老，體力開始下降........有時真係做得好辛苦。加上兒童事工係一件你要不斷付出的工作，有時真係會耗盡，而且有心响兒童事工發展嘅弟兄姊妹真係唔多。但係當佢哋好開心、可以背到金句、可以帶佢哋去到神嘅身邊、可以比佢哋有一個快樂嘅童年........亞七就覺得真係好值得﹗

上年培靈營，當亞七見到"軒軒"同"曦曦"兩個上台彈結他事奉神，亞七重激動過佢哋嘅父母，因為佢哋响兒童區大，到今日大個可以去事奉神，亞七心裏面好感動，就好似見到個仔大學畢業一樣﹗今年培靈營，神同亞七講：每一個小朋友都係亞七嘅仔女。感謝主﹗

Train a child in the way he should go, and when he is old he will not turn from it.
Proverbs 21:6