話說屋企嘅墻上面有啲小昆蟲，一點點，會行嚟行去，好驚又好討厭﹗七公就去啲討論區睇吓有無人都有同樣嘅情況。點知一搵，願來都有好多過來人，同我哋一樣。咁當然，最緊要睇吓有無解決方法啦。討論區啲人就咁講喇：
香港環境潮濕，家居常出現一些比黃絲蟻還細小的淺色幼蟲，牠們不但爬得很快，而且會彈跳，十分令人討厭，殺蟲劑亦不能把牠們趕盡殺絕。原來這種小不點的幼蟲名叫「卜泥」，通常受腐味及灰水味道吸引。澳洲出產的殺蟲消毒劑Spectrum具有殺菌消毒功效，毋須過水，對付「卜泥」很湊效，是曾Sir推薦的產品 之一。
曾Sir專門店
香港筲箕灣道360A天悅廣場1068舖
電話：25681951
原來係咁﹗曾Sir﹖曾近榮囉，哥士的嗰個呀；筲箕灣﹖好遠啫﹗
如是者，因為有事去港島，就順便去埋買喇﹗一去到，個商場真係好"up dup"，但總算指示清晰，好快就搵到曾Sir間舖喇，細細間咁，唔知曾Sir响唔响到呢﹖
响到......响到瞌眼瞓，一頭稀疏嘅白髮，令亞七感到歲月不留情.........我入到去，叫咗一聲曾Sir，就開始講屋企有卜泥嘅事喇.......
亞七：曾Sir, 想問吓你有無呢隻藥水買呀﹖(亞七將網到print出嚟嘅資料比曾Sir睇。)
曾Sir：睇吓...(瞌緊眼瞓無帶老花鏡，所以好慢咁帶番) 哦，有，你要嚟乜嘢用架﹖
亞七：我屋企有卜泥呀。
曾Sir：你知唔知係乜嚟架﹖係咪呢啲呀﹖(之後見到佢响隔離個架到，搵咗一張寫住「卜泥」嘅卡出嚟。佢將張卡反轉，我就見到有一條透明膠紙"痴"咗好多响亞七屋企出現嘅小昆蟲，係標本﹗精彩﹗)
亞七：係，係呢啲喇﹗
曾Sir：!*(&&*&^%#$^&((*&^%^* $%^%^(^&%(&$(&%^$(
曾Sir講乜﹖佢竟然將forum同icare forum入面佢講過嘅說話，同亞七由頭講一次﹗唔係，係背一次﹗好攪笑﹗
之後佢教埋亞七點用，我就比咗二十五個大洋買咗。曾Sir重話，响香港無乜地方有得買，佢呢啲貨都係大學嘅教授朋友幫佢留起。同佢講咗一聲Bye Bye之後亞七就離開﹗
亞七係"30 something"，自然睇過「婦女生滋」，曾Sir一日到黑都叫人用哥士的.....今日大個竟然可以見到佢、請教佢，感覺................好特別﹗
後記：
亞七買咗支藥水返去，照足曾Sir講咁做，家吓蟲仔無哂﹗Yeah!
曾Sir，你係得嘅﹗
佢唔止會叫人用哥士的，仲會講 - "四氯化碳"
回覆刪除真係無晒"卜泥"咩? 一向無留意既我，都唔知仲有無
其實早輪我屋企都有呀, 不過我o地就用以下o既噴劑
回覆刪除http://www.biokill.com.hk/en/products03_spray.htm
都好 work o架, 唔駛去到港島區買!!
其實最好係保持室內乾爽, 唔好咁潮濕就得o架啦!!
[版主回覆07/14/2008 17:50:00]我都知有呢支噴劑，不過我响超市見唔到有紫色，只見紅色，所以唯有去咁遠買囉﹗
你竟然可以親眼見到曾sir....好羡慕呀！！
回覆刪除我家中都有好多卜泥"睇左你個blog 介紹左之後,
回覆刪除上星期5都去過曾sir 間店買左支 Spectrum
我當時話比佢聽家中有卜泥..佢又拿出張咭 話係唔係呢d呀..我話係
想問下你我清潔左1次 ,,,發覺都仲有幾隻,,,,,,,你之前用左幾耐先可以,,,,清除晒所有卜泥呢??????????????????????
[版主回覆09/02/2008 08:59:00]首先謝謝你的提問。 由於我懶惰嘅關係，有蟲蟲嘅墻我都係抺咗一次，我最近檢查過都無乜蟲蟲。不過有可能係香港每一度地方嘅濕度都唔同，所以有唔同效果。你不妨再抺多一次啦，曾Sir話都唔係一次可以攪掂，佢同我講一個月抺兩次，抺到無唯止，不過我懶 ，又見到無乜咯，咪唔做囉。 不過抺完記得開哂嘅窗吹吓，乾爽啲嘛。
祝福你屋企快啲無蟲蟲﹗
謝謝你的講解
回覆刪除請問你講既"卜泥" 係咪好似蚤仔咁細細粒架?? 會唔會咬人架??
回覆刪除用咗哩支嘢之後,有冇再出現哩d"卜泥"呀??
[版主回覆07/13/2010 12:57:00]係好細粒，唔會咬人，但係响墻到行嚟行去好討厭。
用咗支嘢之後就無再出現喇。
我屋企自從四月起好多卜泥,試過好多方法,用漂白水抹完,無幾耐又有,用紫色Biokill對住佢噴都唔係即死,要第二日先唔見,但冇幾耐又有,每日放工返屋企哽見到幾隻,剎完第二日又有,冇辦法治本,真煩,唔知曾sir支spectrum係咪真係可杜絕...
回覆刪除你好,因為家裡有狗仔,它小便時將D尿射了在木門上,現在有很濃的狗尿味,
回覆刪除如何做可以清了它的味?
想問一下, 我家中都有d一點點白色在牆腳行, 如捉佢, 佢會行得非常快, 仲會彈開的, 請問這是什麼? 又是否可以用殺殺他死的殺虱煙霧? 有沒有效? 謝謝幚忙!
回覆刪除