2006年聖誕節(1)

首先，要同主耶穌講：生日快樂﹗

聖誕節嘅四天半假期，好似倒水一樣，"Her Her" 聲過咗，今日就嚟一個回顧啦﹗

23/12/2006
上晝返工，下晝約咗七奶奶luuch同去花鳥蟲魚展買花。最攪笑係，七老爺要我哋坐佢架戰車去舊墟食豬手麵﹗聽七奶奶講，呢間豬手麵鋪仔好巴閉，每日只做早上十一點至下午三點，無冷氣，但一樣人頭湧湧﹗而我，好似咁大個女都未食過豬手嘅我，感覺係......我唔會再去多一次囉。
食完就去花鳥蟲魚展買花，一樣人山人海﹗每一年，七奶奶都會响展覽到買花過年，而且會買多一盆比我，今年我就自己揀，買咗一盆白色嘅蝴蝶蘭，好靚呀﹗多謝七奶奶﹗
之後三點幾去咗做攤位遊戲，人唔係好多，但都要排隊玩﹗

       

     


最好玩嘅係有一個吹氣滑梯，如果我係小朋友，我都去玩呀﹗不過我發覺，有家長陪同嘅小朋友，嚟我哋到玩攤位嘅都唔係好信自己個仔或個女可以入到個窿。講真，我哋個攤位好容易玩，只不過比三個波你掟入個窿，入唔入到都會"給"個印仔比小朋友換禮物，但係啲家長一埋嚟就懷疑咁問個仔個女：你得唔得架﹖唔係呢一句就係：你唔夠力，比我幫你掟啦﹗Please﹗比個仔自己玩啦﹗唔通連玩都要你幫咩﹖﹗當個仔入到就話：得喎﹗原來你都可以喎﹗Please﹗信吓自己嘅仔女啦﹗小朋友有無窮嘅精力同無窮嘅想法，唔係犯法，又唔阻到人，你比佢試吓啦﹗當日五點收擋，自己覺得好開心，因為諗起想當年，小時候每年聖誕教會都會有攤位比我哋玩，好懷念﹗仲有一次，Sunny哥哥嚟做佈道會，一齊唱歌一齊玩﹗23/12就喺懷緬中過去﹗

24/12/2006
上晝一樣返教會，開咗個聖誕Party，交換禮物唔少得啦﹗大家都好開心﹗之後立即返屋企補兩粒鐘，因為夜晚有重頭劇 ─ 報佳音﹗話比附近嘅居民聽主耶穌已經誕生﹗嘩﹗今年有好多人參加，有老有少，最細嗰個一歲都未夠。當晚好開心，返到教會重有宵夜，多謝火百合呀﹗

我的見證 - 無奈的生機 (2)

一九九八年的夏天，二姐一家移民。臨行前的三日，三姐在家裏舉行了一個祈禱會。那時家中，除了媽媽和四姐外，所有姐姐、哥哥和嫂嫂都是基督徒。當天雖然大家哭得很厲害，但我感覺到神在我們當中，我的擔心和顧慮，除著禱告消除，換來的是平安。我開始每晚禱告，對神說出每天的感受。後來，大姐和嫂嫂分別都叫我跟她返教會，但不知甚麼原因，我總婉拒。一天，突然想起不如嘗試返七同學的敎會，我沒有問他，因不知怎樣開口。但一天和他在電腦上交談的時候，他突然邀請我返教會，當時我笑一笑，沒有考慮就答應他。

神讓我再次踏入祂的聖殿。那種感動，那種令我心內平安與喜樂的感覺，現在還記得很清楚。唱詩、祈禱、聽道、奉獻......這一切一切，其實我已經很熟悉，只是我將它們放在一旁。那天非常快樂，很久沒有這喜悅了﹗

一九九八年十月十八日，我決志跟隨主，當天歸家途中，我感覺到主耶穌已在我心中，心中哼著一首在小學常唱的歌 ─

與基督同行
獨自漫步在世上   將不感孤與單
過遍世旅與主偕行   與基督共往還
大踏步面向著世界  我要與救主一起
共望著大路向前進   與基督不相離

過往孤寂、無奈、逃避的一切，一掃已空。因我知道主耶穌會伴著我。小時候，教會的大姐姐說，接受主耶穌是一件非常喜悅的事，會由心內笑出來，那天我終於知道那種感覺﹗

現在的我，是一個更新的我。神知道我在小時候，不太相信祂，常常猜度祂，所以給我很多經歷，然後再經歷祂的存在。我如沒有離棄祂，我相信今天不會得著那麼多感受不會那麼深。沒有憂慮、沒有孤獨、沒有無奈、沒有消極、沒有埋怨......不會自私、不會逃避、不會傷悲......只有喜樂、只有平安、只有將來......只有主耶穌在我身旁，沒事不成。現在的口頭蟬有變了：跟我返教會啦﹗

認識主已經有十多年，決志信主到現在只不過是一年多的時間，但這一年，得著比過去的多。可能自己非常投入和積極 ─ 教會的事奉、小組的生活、和弟兄姊妹相交分享的時間、參加培訓中心的課程等等，加上自己是一個愛書之人，閱讀屬靈書籍是不會缺少啦﹗這一切一切，令我的屬靈生不斷增長。除自己的努力外，神亦透過不同的人、事或自己的反省，讓我去經歷祂。培靈營的經歷、聖靈的充滿、在組內帶遊戲或敬拜、到中國短宣、禁食禱告時的甜蜜、拍拖時對愛的看法等等、令我知道順服神的重要性，如沒有祂的帶領，怎能成事﹖而神往往用一種特別的方法令我更右倚靠祂，就是祂讓我透過不同的事令我知道自己的軟弱，當我知道自己的弱處，原本自信心頗強的我，突然沒有自信，感到失意、沮喪。我惟有禱告，求神給我安慰與幫助。但神真的有回應，祂令我重新振作，讓我更知道祂的大能、祂的全知、祂的愛，更讓我確實的知道，祂是和我一同走我的人生路。神讓我思想到：人算什麼，祢竟顧念他﹖如不是每天活在恩典中，我這個卑微的人，祂怎會看顧我﹖

將來的事，我不大清楚，但我知道神已經挑選了一條美好的道路給我。這一條路可能險阻重重，崎嶇不平，但我深信主耶穌會和我一起經過，甚至背著我去行我的路。

最後，想和大家分享一首歌。信主後的我，雖然仍然很喜愛音樂、唱歌，但對於流行曲，就沒有信主前那麼狂熱了。因為用了聽或留意流行曲的時間去看書或聽詩歌。但我想分享的不是詩歌，是一首流行曲。這首歌的詞，我覺得神用它來向我們說：神是愛﹗

愛是永恆
有始不有終   能受百樣痛    從沒有合約合同    但卻跨時空
這滔滔不息的愛我贈給你用   這一生和下世有幾多全奉送
閉起的眼中    無論重又重   仍是見著你面容    在我心湖中
這份愛永遠都存在    共你同在無盡永恆中
兩手雖似空    其實抱著你    其實你沒有別離   在我心湖中
每掠過   也似風撩動   令這湖上    無盡愛浪湧

有著我便有著你   真愛是永不死    穿過喜和悲    跨過生和死
有著我便有著你   千個萬個世紀﹝天老地老也好﹞    絕未離棄
愛是永恆當所愛是你


不要左望、右望了，是﹗是你呀﹗神所愛的，就是你﹗

願榮耀全歸於神﹗

回到從前

如果可以回到從前，你最想回到那個時候﹖

以前讀「保你大」的時候，經常搭火車，還記得當時火車的椅子是橙色的，有很多對頭位﹝對頭位 = 所乘搭之交通工具反方向之座位﹞，每一日在上水上車時，我都會選擇坐對頭位，當火車開動時，所有窗外的景物都會飛快地掠過，就好像一部時光機帶我回到昨天上課一樣。很懷念.....

但不是每一輛交通工具我都接受坐對頭位，只有火車，我才沒有想嘔吐、暈眩的感覺。就好像有一些過去，你不想再存留在腦海中，想起也會作嘔﹗

人一天天的長大，想的事就越多，很想回到小時候無憂無慮的日子，說到尾 ─ 逃避﹗

但信主之後，我學識面對，我知道，如果我每一日都活在逃避中，我的心會下沉，我可能只活在過去而令我情緒低落。但神說：我的恩典夠你用。就憑這一句，我對自己說，我要面對我的將來﹗

現在火車的坐位已經變成打側坐，而我，除了火車之外，任何交通工具的對頭位我都接受，秘訣好簡單，只要你合上眼，想像自己不是坐對頭位，而是和車輛的方向一樣，就可以克服了﹗

感謝主﹗

我的見證 - 無奈的生機 (1)

感謝神讓我有機會和大家一起分享我的見證。

“願主的愛與你同在，無論你在何方......”
小時候，在家常聽到這首歌......

我出生在一個大家庭，有父母、五個姐姐和一個哥哥，我是最少的，排第七。小時候，因為我住在村莊內，所以有很多小朋友和我一起玩耍。雖然這樣，但我仍然感到孤獨，因為在家沒有和我差不多年齡的兄弟姊妹，我對上的哥哥也大我八年。所以沒有小朋友和我玩時，我常常自言自語，令自己不會覺得太悶。或者神知道我的孤寂，讓我能認識祂。

在我小時候，二姐已是基督徒。後來三姐亦跟隨主的腳步，令我可以常常在家聽到讚美主的詩歌。神不單如此，還預備了敎會給我。在我家的村口，有一間很大、很美麗的教會 - 元朗浸信會。小學一年級的一個星期日下午，三姐剛從教會回來，吃完午飯，我便對她說我很悶。第二個星期日，我便返第一次的教會開始接觸主耶穌。

童年的敎會生活，令我非常開心，令我變成一個活潑、樂觀、凡事總會向好方面想的小孩。每一個主日，我都會高高興興地到神的聖殿敬拜祂。現在回想，這段日子雖然開心，但我覺得小時候返教會，只是給我一個地方，嬉戲和玩耍。五年級的一個佈道會，令我重新面對我的信仰。佈道員在講台上叫一些相信主耶穌及作個人救主出來，站在台前。當時很多朋友也有出去、但我在座位中，心中有掙扎，因為我恐怕將來會離棄祂，做不到一個好的基督徒。

後來到中學的時候，我真的離棄祂。不禱告，不返教會，甚至去研究其他宗教。這段離棄的日子，我經歷了很多不開心的事，爸爸的去世。感情的創傷、學業的失敗、失業的徬徨、二姐一家移民的不捨......令我由一個樂觀性格的人轉變成悲觀、喜歡鬧情緒、孤獨感很重的人。感覺到有一些事，自己是無法掌握。小時候，萬千寵愛在一身、要甚麼有甚麼。但我以叫我爸爸復活、不可以叫離開我的人返回我身邊......我沒有能力改變事實，何況其他人呢﹖根本沒有人幫到我。那時有一句口頭蟬：我想死﹗常常想怎樣死比較好，有甚麼解決不了的事就想到死來逃避。但我知道神沒有離開我、每當我不開心的時候、祂總用不同途徑鼓勵我，令我重新振作。但我始終感覺無奈... 無奈... 無奈...

一首新歌

(國語)

天空不是每天都是藍天白雲
但有祢在我身傍  我不感到憂鬱
有祢的同在我每一天都有能力
主呀  我要稱謝祢

祢是我的杆  我的仗  我所倚靠的
有誰能夠像祢  犧牲生命放棄一切
我要一生一世稱頌祢  直到永遠
哈利路亞  讚美祢

祢是我的杆  我的仗  是我的高臺
有誰像祢愛我  犧牲自己救我生命
我要一生一世稱頌祢  直到永遠
哈利路亞  我讚美祢

我的主   感謝祢

七公呀七公，諗到歌名未呀﹖

Blue Label + 長腳蟹vs神戶牛柳

勁呀﹗可愛四姨同靚靚五姨响呢個月都分別去咗日本玩，可愛四姨好大手筆咁送咗一個Blue Label袋比我，哈哈﹗  好開心﹗多謝妳呀可愛四姨﹗

另外，鍾意食嘅靚靚五姨，除咗買好多日本零食番嚟之外，今次仲買咗長腳蟹同神戶牛柳，好嘢﹗  於是乎上星期六所有人，連貓連狗就番左七媽屋企開餐﹗

其實靚靚五姨今次咁大手筆係因為七媽怕搭車搭飛機，唔會去旅行，所以靚靚五姨就將長腳蟹同神戶牛柳空運返屋企，希望七媽雖然唔去旅行，但都可以品嚐吓其他地方嘅美食。真係孝感動天﹗

時值20:00，當七哥返嚟後，就開始名符其實嘅“拆蟹”﹗咁貴買隻蟹返嚟，又咁大隻，點拆呀﹖日本人真係日本人，隻蟹係連埋一把鋒利嘅較剪、一份教你點拆蟹嘅說明書同一包點蟹肉嘅醋。幾好配套呀﹗開始開餐喇，終於明白乜嘢叫做蟹柳，正﹗實在大隻，我哋一共有十三人都食到好開心﹗

之後就到神戶牛柳，當然係好出名嘅菊水神戶，又係七哥操刀，煎比我地食，今次靚靚五姨買咗兩塊牛柳同一塊牛排，六成熟，啱啱好，入口即化，簡直人間極品﹗

    

就係咁，我哋就食咗成千蚊落肚，好滿足﹗但係仲有驚喜，就係七嫂 Home made Lemon Cheese Cake 同雪糕﹗

今次真係好開心，但係最開心嘅係七媽開心嘛﹗佢開心，我哋自然開心啦﹗

 

病

十一月頭去清遠，一路去一路咳，去完旅行之後，無幾耐就好番，點知到家吓又咳，唉﹗

都唔知食咗啲乜，連睇兩次醫生都唔好，每晚都咳醒，好辛苦﹗      番工食藥又勁眼瞓，好慘﹗到最後，七媽終於忍唔住出手，煲川貝比我飲﹗    連藥水都唔多飲嘅我，今次真係慘，可以話“苦過弟弟”﹗痰呀痰，快啲遠離我啦﹗唔該.......

 

 

生命為何

給漂亮的妳：

《也許》 聞一多
也許你真是哭得太累
也許也許你要睡一睡
那麼叫夜鷹不要咳嗽
蛙不要號，蝙蝠不要飛
不許陽光撥你的眼簾
不許清風刷上你的眉
無論誰都不能驚醒你
撐一傘松蔭庇護你睡
也許你聽這蚯蚓翻泥
聽這小草的根鬚吸水
也許你聽這般的音樂
比那咒罵的人聲更美
那麼你先把眼皮閉緊
我就讓你睡，我讓你睡
我把黃土輕輕蓋著你
我叫紙錢兒緩緩的飛

看見妳，我想起這首新詩，妳是否真的哭得太累﹖那為何每次見妳都笑臉迎人﹖殺我們一個措手不及﹖

看見妳，愛妳的人心碎了，縱然他們不懂愛妳，甚至傷害過妳，但現在已經不緊要，所有的恩恩怨怨亦化於無有......

你在信中說希望大家只會想起妳的笑容，但你又可否想過我們亦會想起孤孤單單的妳﹖

內疚沒有將福音帶給妳，其實在世上真有一位永遠不變、信實、充滿愛的一位，祂是主耶穌。我也有不如意的時候，但祂永遠在我左右，鼓勵我，扶持我。

最後，送給妳這首歌......

生命為何    為何終結
我的生命    如像那輕煙轉眼瞬間為何
為何失去    嘆息生命如同茫茫路

生   誰明白真正要為何事
死   誰明白真正會是何樣
我心力竭   我心疲乏  但沒法平靜在轉圈   不斷

生命屬神   由神所賜
你的生命   全是我主所寶貴愛惜每段路途
蒙神看顧   我主深願同行悠悠路到永遠

【詩集：城市旋律第 04 集】

永遠懷念妳﹗

清遠遊記

今次清遠之旅，總括來說有點辛苦，因為搭車多過行路，可以講我們的祖國真是地大物博﹗

我們一行十一人參加了大X旅行社的清遠陽山天泉温泉渡假村，早上自己過關到皇崗上旅遊巴，早上八點準時開車。嘩﹗唔去唔知，大X旅行社就响重陽開咗過百團返大陸，我哋係97B車，成條街都係等上巴士嘅人，非常墟撼。

我哋嗰團都有45人，大大細細老老少少都有，其中一個仲係一個人自己旅行，好孤單啫﹗離開咗深圳特區，一片一片又一片嘅稻田出現在眼前，導遊話今年大豐收，今年農民過年一定好開心﹗我都好開心呀﹗不經不覺到咗中午，足足坐咗3個鐘先到清遠鳳皇城﹗當然途中司機都有喺油站停一停，比我哋去去洗手間，但係都坐到我腰骨直哂呀﹗講起洗手間，偉大祖國乜都先進，但係洗手間就......唉......

食完飯，又坐車，今次要坐2個半鐘，喺車到有乜好做，咪瞓囉﹗幾經辛苦，終於嚟到天泉温泉渡假村，天都開始黑，不過一場嚟到，都要上山睇吓有"廣東第一峰"之稱嘅陽山，仲有瀑布，旅行社嘅宣傳單話，嗰到嘅空氣，負離子係最高，一句講哂，空氣清新囉﹗唔係咁易去架，要比30個大洋﹗仲要自己行半粒鐘上山﹗雖然我甚少行山，但還可以啦﹗終於到達瀑布，嘩﹗一行上山的人大叫：回水﹗朋友可以看一看我上載的照片，自己判斷一下喇﹗空氣是否清新見仁見智，但在城市工作的我，唔係好行山的我，都可算是自己個人的小小創舉。

行落山又要半粒鐘，正所謂上山容易落山難，落到山天都黑齊，休息一陣就食晚飯。食飽飯仲有節目，當地人嘅—篝火晚會。又係要比30個大洋，不過都幾好睇啦，有跳舞、吞火、用火接觸身體、 仲有上刀山﹗好邪呀﹗好似神打﹗完場時見到玩火嗰位人兄，身上都有啲水泡，好驚﹗

睇完後就到今次旅行嘅戲肉—浸温泉﹗都ok啦，當然無珠海、中山咁好，不過心情可以影響一切，可以一家人一齊浸一浸，傾吓計，都係促進彼此感情嘅好節目﹗浸完...一身舒服哂﹗跟住瞓番個靚覺﹗

第二日主要嘅行程都係坐車啦，坐咗兩個半鐘頭後食午飯，不過今次好特別，坐船遊西江兼食飯﹗上船前七奶奶買咗三隻鵝蛋，好大隻蛋呀﹗上船喇﹗我嘅感覺係...好﹗一句講哂：I like it﹗可能天氣好啦，啲風吹埋嚟好舒服﹗可以暫時忘記香港嘅公事，人生一樂也﹗我哋開咗隻鵝蛋嚟食，蛋白透明，蛋黃好黃，好似芒果﹗好得意﹗不過味道就唔及雞蛋喇﹗

食完飯，繼續坐車啦﹗一坐又幾粒鐘，真係好辛苦﹗終於明白乜嘢叫做“舟車勞頓”。黃昏時候終於到達深圳，旅程亦結束。

其實老實講，如果唔係七奶奶話要去，我同七公都唔會自己去呢啲地方，不過七奶奶叫到，又可以同七姑奶及其他人一齊去玩，都係一個唔錯嘅旅程﹗Anyway，總之，可以同親人一齊去，咁難得，要好好珍惜﹗

有相睇，慢慢欣賞吧﹗

 

我的爸爸

爸爸在我中三時去世，到現在已經十五年了......

我是家中的么女，爸爸很疼愛我。我記得...

小時候晚上睡覺時，爸爸一定會說故事給我聽；

媽媽叫他買鑵頭加餸時，他一定拖著我的手，帶我到超市購買。當然回家時，我一定也帶了我心愛的糖果回家；

有一次，因為我很頑皮令媽媽很憤怒，爸爸在勸媽媽不要勞氣，不要哭時，媽媽打了爸爸一巴掌，大家都很突然，爸爸也望著媽媽五秒，但爸爸沒有發脾氣，繼續叫媽媽不要哭；

小五時，我到同學家玩，爛玩的我沒有按時回家，亦因為怕媽媽責駡而沒有打電話回家。大概七時，我帶著害怕爸媽責駡的心情回家，到了村口，我看見爸爸在等候著我，沒有一句駡我的說話，只是對我說，媽媽很担心，快快跟她道歉；

我第一次到海洋公園，是爸爸公司的旅行，爸爸還和我玩滑浪飛船。媽媽還駡我，為什麼所有照片都是風景，只有一張和爸爸的合照﹖

還有很多很多的回憶，不能盡錄，但永永遠遠都在我腦海裏，不能磨滅。

今天是他的死忌，我只想說一聲：爸爸，我永遠懷念你﹗

"樹欲靜而風不熄，子欲養而親不在。"  希望大家都珍惜眼前人﹗

清遠旅行

七公收到七姑奶電話，話重陽同七奶奶去清遠旅行浸溫泉，七公梗係唔想去啦，一於推推推。七姑奶無法，惟有出大Dee，大Dee就係七奶奶，一句：你又話同我去旅行嘅﹖七公無得話唔可以啦﹗

明天早上六點九，約埋七姑奶個朋友一家四口一齊搭的士去皇崗，去完再分享好唔好玩。

 

開張大吉

您好﹗歡迎您來到Seven7的Blog。不要期望在這裡可看到些什麼，因為我是一個懶惰的人，想寫便寫，加上因為增值自己，去了學倉頡，現在逼自己用倉頡打日誌，根據以往的紀錄，我應該很快放棄寫日誌......隨意吧﹗不過都在這裡說句：「開張大吉」﹗

 

^_^