一個喪禮

亞七去咗一個喪禮，仙遊嘅係舊居嘅隔離鄰舍─ 妹姐。佢係七媽嘅好朋友，而佢嘅仔女係亞七一眾家姐同亞哥嘅兒時玩伴，到今時今日，大家都已經有下一代，但係感情不變﹗

當日夜晚，除咗二姨响紐西蘭，所有家姐同亞哥都有出席，好似新年咁齊人，唔怪之得啲人話：有乜嘢講，留番拜山先講啦﹗我哋眾兄弟姊妹去到，默禱之後，家屬謝禮。好開心妹姐都信咗主......我啲家姐亞哥一坐埋就同啲兒時玩伴傾吓計，講吓近況，而亞七因為年齡太細，唔係好搭到咀，但係見到佢哋，成個畫面好和諧......正如亞七之前講過，好朋友係唔需要成日見，但係一見面可以講乜都得，佢哋就係咁。
去完喪禮，眾兄弟姊妹一齊去食飯，我諗都無咁幾多次咁齊人而無七媽份﹗大家講吓笑，傾吓計，咁就過咗一晚。

感謝主比我有一、二、三、四、五、六個家姐同亞哥，感謝主佢哋個個都咁鍚我﹗

Watoto

Watoto -  (發音： wah-toe-toe) - 非洲斯華西里語的意思是 “孩子們”

長期嘅戰亂，無公共衛生嘅常識，加上愛滋病肆虐，令烏干逹嘅下一代好多都變成孤兒，佢哋無人照顧無人理，肚餓要自己搵嘢食，但係又可以去邊到搵呢﹖一個人响黑忟忟嘅屋入面，無助、孤單、死寂......

1983年，加拿大宣教士施堅拿夫婦(Gary 和Marilyn Skinner)，舉家遷移到烏干達首都坎帕拉，改變咗呢班小朋友嘅命運﹗佢哋為小朋友起村落，每一間屋可以住十幾個小朋友，最特別係每一間屋入面有一個新嘅媽媽照顧佢哋。另外重教小朋友英文，亦照顧小朋友嘅情緒。自94年開始，Watoto兒童合唱團就代表着非洲一千五百萬名因愛滋病的影響成為孤兒的兒童，經常响國際間巡迴演出。

06年都有嚟香港呀，07年亞七都好想去睇，但係已經Full咗，惟有去佢哋個網睇吓啦﹗

www.watoto-hk.org
www.watoto.com

亞七兒時鐘意Beyond，家駒嘅詞真係好，Amani有一句嘅歌詞係：無助與冰凍的眼睛，流淚看天際帶悲憤，是控訴戰爭到最後，傷痛是兒童......這一句令亞七好心傷.......

雖然無花果樹不發旺，葡萄樹不結果，橄欖樹也不效力，田地不出糧食，圈中絕了羊，棚內也沒有牛，然而我要因耶和華歡欣，因救我的神喜樂。  ~ 哈巴谷書

久違了....

好耐無寫Blog, 點解﹖因為好...好...好...忙﹗

好多人都知亞七做乜嘢工，但係就好多人唔知道我份工原來可以咁忙﹗無嘅...一句講哂...我老細唔識做老細，好多不必要嘅工作，都要我哋去做，唉﹗我已經成日同自己講，已經好過好多人，最起碼唔駛日晒雨淋，但係情感上都係過唔到，喊咗一次......今期糧真係攤出嚟有血有淚呀﹗

過咗七月，應該會好啲.......

小禮物

咁日同七公一齊行返屋企，七公話有禮物送比我，不過要上去攞。我諗咗好耐，都唔知"上去"即係邊到，亦唔知佢送乜比我。直至返到屋企我去沖涼嘅時候，有人打電話比佢，之後就話要出一出去攞禮物，哦﹗我知喇﹗原來係去大佬到攞禮物......

大佬同大嫂住响第二座，佢哋啱啱去完日本，一定係七公叫佢買啲嘢送比我啦﹗唔知係咩呢﹖亞七沖完涼都重未返，唔通打舖機先返嚟﹖正當亞七盤算之際，七公返嚟喇﹗登登登登........原來係.....

七公話：你記唔記得退修嗰日夜晚，亞Mei係咁問你日本邊隻牌子護膚品好呀﹖係我請佢問你，等我可以同大佬講買乜比你嘛﹗不過你講嘅Fancl亞嫂話太貴喇，所以亞嫂幫我買咗呢樣比你囉﹗你唔記得我要去攞錢咩﹖

係呀﹗亞七好開心好感動呀﹗唔係禮物嘅大小同價值，而係七公嘅心思同心意﹗七公，我會好好記住你對我嘅好，多謝你﹗

71

2007年7月1日，回歸十週年，大日子大日子﹗愛港愛國嘅亞七都希望將來嘅十年，香港乜都好﹗
至於個人嚟講，7月1日對於亞七都係一個大日子﹗因為亞七把聲可以唱歌喇﹗哈哈﹗

 哈利路亞﹗

咁啱係星期日，當天我係返崇拜，長老帶我哋唱一首"以便以謝"，"以便以謝"係出喺撒母耳記上7章12節，"撒母耳將塊頭立在米斯巴和善的中間，給頭起名叫以便以謝，說："到如今耶和華都幫助我們。""
而呢首歌嘅歌詞係：
            

以便以謝，到如今耶和華都幫助我們。
            以便以謝，到如今耶和華都幫助我們。
            以便以謝，到如今耶和華都幫助我們。
            以便以謝，到如今耶和華都幫助我們。
            祂是創造天地的主，在祂豈有難成的事，
            來投靠祂，不要懼怕，看祂為你成就大事。

我一唱就開始喊，因為我好耐都無聽過自己唱歌，而且呢首歌嘅歌詞都好打動到我﹗無錯﹗我嘅神係創天造地嗰一位，喺佢眼中有乜嘢係做唔到﹖我把聲又算得啲乜﹖只要我呼求佢，佢就喺我生命成就大事﹗哈利路亞感謝主﹗之後我喊，係因為我嘅神真係好勁呀﹗佢真係好愛我﹗我好感動...

 唱完呢首歌之後，長老帶我哋唱"惟有主愛充滿在我心"，哎呀﹗我終於可以唱到最高嗰粒音﹗實在係太感動喇﹗不過我都無以前唱得咁放喇，有啲位我都唔唱比把聲休息吓，話哂真係有粒息肉响到，我都唔敢咁放肆，我為咗以後可以唱歌，我真係要好好保養把聲﹗

由於2號放假，我哋教會嘅一班領袖下午就去咗摩星嶺

http://www.yha.org.hk/ChiTra-HostelMountDavis.html退修。成個星期都落雨，好彩去到都係多雲啫﹗感謝主﹗嘩﹗無敵大海景，可以遠眺青馬大橋同大嶼山，不過就唔係幾睇到中環，即係無得睇煙花囉﹗不過咁，我哋去到無幾耐，有一架直升機飛過，咦，佢吊住啲嘢喎，睇真啲﹗哦﹗原來係香港十週年呀﹗

我哋一齊靈修，一齊分享，重一齊食飯，真係好似一家人﹗而福哥講咗兩篇道，令我覺得自己要起嚟，唔可以咁懶惰喇﹗我要回應主嘅愛﹗所以我第一時間決定咗，我唔再搭元朗校巴，我要响火車到睇多啲屬靈書籍，而且我要有機會就要去傳福音﹗識亞七嘅人都知我响呢樣唔係做得咁好，因為我都係一個比較被動嘅人，但係我真係好希望亞七嘅所有朋友都知道亞七信啲乜﹗你知道亞七信耶穌係唔夠架，咁信耶穌啲乜嘢先得架﹗咁啦﹗係朋友嘅都入去呢到

http://www.hkccc.org/flash2.htm睇吓啦﹗因為亞七真係好想話比大家聽，耶穌唔單止愛我，重好愛你哋架﹗重有，你哋無論有乜事，你講比我知，我一定會為你代禱﹗

朋友，基督徒咁鐘意同人講耶穌，唔係因為你信咗之後有錢分或者有乜著數，而係好想話比大家聽，我哋嘅神，真係好好﹗好到要話比全世界聽，咁你咪聽吓係咪真係咁好囉﹗

保你大聚會

30/6/07 同"保你大"同學聚會，地點係尖沙咀嘅Rice Peper。7:00到達，已經見到蕉姐响入面，一個何其清爽嘅髮型呀﹗七公就話蕉姐似日本妹，我都覺得似呀﹗一路吹水一路等其他人，之後佢哋陸陸續續嚟到，其實我哋最心急嘅都係等緊佢......無錯，就係佢......溫小B﹗

溫小B又大隻咗喇，佢嗰碌腳，真係好似節瓜呀﹗哎呀﹗開始認人呀，珍姨抱佢無耐，一路眼碌碌咁望吓望吓，之後﹖當然係喊啦﹗公主即刻攞出絕招 — 大口仔，佢開始唔喊，重响珍姨嘅懷抱裡玩添﹗我哋每個人都抱過佢呀，最後輪到我喇，我都不忙叫七公幫我影多兩張相，之後溫小B開始眼瞓，最終我將小B過比珍姨，佢就好熟手咁揍咗佢瞓﹗

响上年嘅夏天，我哋一班同學慶祝十週年去咗澳門玩，當時嘅溫小B重响亞媽個肚到，七公好感慨咁講，溫小B嘅出世，正好就代表我哋踏入人生另一個階段。無錯，甚願我哋每一位同學，响呢個新嘅階段樣樣都係好﹗

最近推介

最近亞七有三樣嘢想推介比朋友，一套漫畫、一系列紀錄片同一個比賽。

首先係一套漫畫，叫做"來自遠方"，係五姨嘅推介。五姨由細到大都鐘意睇漫畫，最鐘意係"尼羅河女兒"同"玉女百態"。"玉女百態"又即係"玻璃面具"，無記之前都有播呀﹗都幾好睇。但係五姨話呢兩套漫畫重出緊，重未有大結局。吓﹖﹗五姨，呢兩套漫畫喺我小學嘅時候你已經睇緊，家吓重未出完﹖真係奇怪.....係，講番"來自遠方"，我覺得值得推介嘅原因係：
                  1) 啲畫畫得好靚
                  2) 故事正面，真係邪不能勝正呀﹗
                  3) 有啲科幻，但係內容主題係邊一個年代都唔會變
亞七好少睇漫畫，我只係睇過IQ博士、男兒當入樽、小甜甜等等，我都係鐘意睇小說多啲，不過呢次我都有追呢一套，證明都有啲吸引力，有興趣可以去Yahoo search吓，因為我知可以响網上睇，不過我唔係好鐘意，唔响呢到寫條link比大家嘞。

另一個推介係國家地理頻道 http://www.ngc.com.tw/ 嘅"The Womb Week"，講動物同人嘅生育過程，唔止一個BB，係孖胎、三包胎、重有四包胎。亞七鐘意睇係因為亞七係女人，哈哈﹗重有係裡面嘅鏡頭可以見到唔同日子BB係媽咪肚入面嘅樣，佢哋响個肚入面做乜，重有多包胎嘅BB點樣親密，之後媽咪點樣生出嚟。真係令我好感動﹗我只能說：
我的肺腑是你所造的，我在母腹中，你已覆庇我。我要稱謝你，因我受造奇妙可畏，你的作為奇妙，這是我心深知道的。我在暗中受造，在地的深處被聯絡，那時，我的形體並不向你隱藏。我未成形的體質，你的眼早已看見了，你所定的日子，我尚未度一日，〔或作我被造的肢體尚未有其一〕你都寫在你的冊上了。神阿，你的意念向我何等寶貴，其數何等眾多。 - 詩篇139篇

最後推介係我响Youtube睇嘅台灣節目：超級星光大道，其實係一個歌唱比賽，不過水準很高，無分男女，但最後都係男仔玩哂，評審方面都係台灣嘅數一數二唱歌同創作好叻嘅人，最主要嘅評審有袁惟仁、黃韻玲、辛曉琪、張宇等等。其實參賽者裡面有一個好似後生版嘅八两金，但係把聲超好聽，但係因為佢虛報年齡而退出，佢就係超人氣嘅楊宗緯﹗可以去聽吓佢唱成點。呢個比賽另一個好奇怪嘅現象，就係好鐘意喊，男又喊女又喊，聽首歌都可以喊，我就好唔明白，真係唱得咁感人﹖至於我嘅心水推介係參賽者潘裕文同林志炫唱嘅"離人"，超好聽呀﹗得閒去Youtube睇吓啦﹗

三個推介，有無一樣啱你呀﹖

我的中學同學

中學時嘅好同學喺星期六(23/6/07)結婚，我哋一班好同學當然要去賀一賀佢啦﹗祝新人白頭到老，永結同心﹗好似好老土，但係好真實，講多一句，祝幸福快樂﹗

無見班同學都有半年多，當日除咗談論吓鼓佬個"結"之外，都係update吓大家嘅近況，何況韓國妹已經返咗嚟，真係比咗個驚喜大家囉﹗不過原來佢哋已經知道我响阿哥個Blog到留言，哎呀，我用暱稱嘛，諗住有啲神秘感，點知個IP出賣咗我，好失望﹗

响亞七嘅字典裡面，中學同事 = 
    1) 唔係成日見面，但係一見面唔需要開場白，就可以無所不談;
    2) 唔駛扮嘢啦，因為佢哋已經好清楚你嘅為人;
    3) 有啲嘢唔駛講，心照啦﹗

中學時代响亞七心目中係一個黃金時代，因為當中所有發生過嘅事，都會影響到亞七日後嘅處事方法，咁當然重有好多難忘嘅回憶啦﹗"時光一去永不回，往事只能回味﹗"  好開心有呢班好同學，如果需要幫忙，一定會幫到底。唔經唔覺，原來大家都分別識咗17年或更耐，我同鼓佬就唔駛講啦，有27年呀﹗勁﹗記得我响中四嗰年，寫信去港台嘅"家寶五線譜"點唱比啲好同學，一個月後真係讀咗我封信出嚟，開心死我﹗喂﹗各位好同學，你哋記唔記我點咗乜嘢歌呢﹖唔記得﹖算啦﹗我响呢到點兩首歌比你哋聽啦﹗

感情到老  -  陳百強 詞：盧永強 曲：楊雲驃 去了我的歲月留下古老街燈  照樣發光使我愛夜行 靜的心  再拾起看看這星塵 才驚覺到日子將一切東西都變更 看那所有舊名字改變了幾番  相貌變改可見亦頻繁 在空間  人面對而成為習慣  woo … 心隨人轉淡  熱的都變冷 為何仍在遠方的你彷彿都知道   我在這刻極需知心傾訴 偶然覺得失去氣力幹勁全無   及時扶助我   情誼伴溫暖送到 朋友的心  朋友的真  儘管聲音永遠是老   我願我願友誼 老一點更好 環顧今天   人人換新鮮的外表也百萬套   有幾多感情從不更改到老 盼彼此感情從不更改到老 …… You've got a friend Written by Carole King When you're down and troubled and you need some lovin' care and nothin', nothin' is going right. Close your eyes and think of me and soon I will be there to brighten up even your darkest night. You just call out my name, and you know wherever I am I'll come running to see you again. Winter, spring, summer, or fall, all you have to do is call and I'll be there... You've got a friend. If the sky above you grows dark and full of clouds, and that old north wind begins to blow. Keep your head together and call my name out loud Soon you'll hear me knocking at your door. You just call out my name and you know wherever I am I'll come running, running, yeah, to see you again. Winter, spring, summer or fall all you have to do is call and I'll be there, yes I will. Now, ain't it good to know that you've got a friend, when people can be so cold. They'll hurt you, yes, and desert you, and take your soul if you let them. Oh, but don't you let them. You just call out my name and you know wherever I am I'll come running, running, yeah, to see you again. Winter spring summer or fall, all you've got to do is call, and I'll be there, yes I will... You've got a friend. You've got a friend. Ain't it good to know you've got a friend. Ain't it good to know... Ain't it good to know... Ain't it good to know... You've got a friend. Oh, yeah, you've got a friend. Yeah, Baby, you've got a friend. Oh, yeah, you've got a friend.

老土嘢唔講喇，心照啦﹗

端午香港一日遊

19/6端午節，二百多人集合係教會，浩浩蕩蕩去旅行﹗三架大車一架細車，真係史無前例咁多人呀﹗行程好簡單，朝早去海防博物館，中午响酒店食自助餐，下午去山頂。今次有我、七公、七奶奶、七老爺、七姑奶、七奶奶照顧嗰兩個小妹妹、重有張氏一家四口添﹗嘩﹗都有11個人呀﹗

http://www.lcsd.gov.hk/CE/Museum/Coastal/b5/index.php

海防博物館真係好大，由於天氣真係太熱，我諗都無乜人行古蹟徑，我同七公都係喺室內展館參觀，都有好多嘢睇架，講吓香港唔同年代嘅海上防禦，重有防空洞，不過時間太少喇，我同七公講冬天再嚟過﹗

中午响西環一間酒店食自助餐，食物都OK啦，講真，成日去玩每個大人都係收100個大洋，你想食啲乜﹗但係比我想像中好囉﹗

下午就去山頂 http://www.thepeak.com.hk/full/en/index.php，當然要行吓凌霄閣啦，我之前真係無行過嘛﹗重有360度觀景台，不過都係兩個字："熱"同"曬"，變燒豬呀﹗不過香港真係好靚，見到咁靚嘅維港，真係要學莫華倫唱"香港始終有你﹗" 我同七公講，都係嗰句，"冬天搵晚再嚟過﹗"

都係一個好開心嘅旅行，小朋友當然特別高興啦﹗一家人出嚟走動吓真係一件好事﹗

最後感謝神比我哋有好嘅天氣﹗

二號客運大樓及翔天廊

咁日去咗機場接五姨，七公又未到，唯有自己一個去參觀新開嘅二號客運大樓同翔天廊啦﹗

我去到機場，當然喺舊嗰面客運嘅出境大樓落車啦，都見到有啲大地圖教人點去二號，但係我睇嚟睇去，我都唔知佢寫乜喎，係我有問題，定係個地圖有問題呢﹖唉﹗算啦，去唔到算啦﹗又唔知要行幾耐，miss 咗班機接唔到五姨就大件事。之後我落咗入境大堂，check 一 check 五姨班機有無delay。唔覺意見到過路牌：二號客運大樓，吓......哦......咁我就跟住個牌嘅箭咀行喇。

唏﹗原來係好近，我行咗3分鐘，就到咗二號。其實啲路牌可以再清晰啲，我呢啲矇炳係唔明架﹗二號都好大，又無乜人，可能始終係新啦。商店都有開，啲sales都係拍烏蠅，行吓行吓，咦，係呢到都可以check in 喎，又可以出境喎。上咗電梯，就到咗翔天廊，都好多商店，但都係拍烏蠅啦，有個food court，都有人去食喎，最吸引我嘅係4-D影院，不過咁日做嘅戲我都未聽過，下次要同七公嚟睇睇﹗

一直都對機場有一種特別嘅感覺，可能經過咗青馬大橋，到咗大嶼山，雖然實質無出境，但係感覺上就好似離開咗香港咁。去深圳都無呢種感覺呀﹗做女嘅時候，有乜唔開心我都會去機場行吓，可能想逃避吓啦，見住架飛機起飛，我都好想買張機票離開香港唔再理啲唔開心事呀﹗

七公終於都嚟咗，我哋响Burger King 食晚餐，無計啦，七公好鐘意Burger King，聲沙嘅我唯有奉陪，我無食薯條呀﹗响Hall B等呀等，等呀等，都唔見五姨出嚟，我就同七公講，你估有無人每一日都喺到等佢心愛嘅人出現呢﹖可能佢哋有個誓言，有個承諾，可能有生之年會見到，但係已經面目全非........七公回我一句：你未免諗得太多﹗五姨終於出嚟，我嘅行程都結束喇﹗

http://www.hongkongairport.com/eng/skyplaza/index.htm

沙聲的日子之友誼萬歲及言語治療師

自從亞七寫咗 "沙聲的日子之看完醫生後......"，亞七嘅朋友、教會嘅弟兄姊妹、家人、甚至未來表嫂都送上溫暖嘅問候，喺呢到真係要多謝各位嘅關心﹗

上星期日真係好唔開心，因為當日我唔洗事奉，所以我返崇拜，敬拜嘅時候，一聽音樂我就開始喊，因為我要休息唔可以唱歌。非不為也，實不能也﹗理性上我知道神唔會介意我唱唔到唱歌，因為我知道全人嘅敬拜唔係唱吓歌咁簡單，呢個課題可以講好耐，唔响到詳細講喇，但係我嘅內心真係接受唔到唱唔到歌嘅自己。

"自己"......我思想乜我敬拜係因為自己咩﹖因為覺得自己唱歌好聽，所以要唱大聲啲﹖咁我敬拜係為乜﹖諗到呢到我就更加傷心，原來唱歌敬拜都係為自己......原來我某程度嘅價值觀都建於我唱歌好唔好......神响短短嘅敬拜時間不斷對我說話，佢話：敬拜嘅真義唔係你唱唔唱到歌，唱歌只不過係敬拜其中一種方式，你可以去聽其他人唱歌、禱告、甚至係個心到唱，只要係嗰一刻，個焦點係我﹗係，我應該去搵番敬拜嘅真正意義......

今日去睇言語治療師，經過用"文"，即係做問卷啦，同"武"，一連串要我跟佢講"aeiou"，重有睇吓我有幾長氣之後，得出嘅結果係原來我都唔係咁差，有啲音佢聽到都好清，講真，佢唔講我真係唔覺，佢一講又真係唔同其他發出嚟嘅音喎﹗ 咁我都開心啲......睇咗1粒鐘，最後佢要我飲八杯水，唔好格硬再唱歌，重有少說話，多做事啦﹗

就八杯水嚟講，今日返到公司問同事即係幾多ml呢﹖無人答到我，真係唔search yahoo 都唔得呀﹗各方好友，真係去睇吓啦﹗

http://hk.knowledge.yahoo.com/question/?qid=7007051901540

好驚飲到賴尿......

 

 

六四

毋忘六四
愛我中華

沙聲的日子之看完醫生後......

31/5終於睇醫生，佢問完我由幾時開始等等嘅問題之後，醫生就用內窺鏡由鼻插入喉嚨，當佢由螢光幕見到我嘅聲帶嘅時候，佢就證實係有粒息肉响聲帶，令我沙聲....

呢個照內窺鏡嘅過程有啲辛苦，首先噴麻醉劑，唔係噴喉嚨，係噴鼻﹗好刺鼻呀﹗又有啲苦喎，之後佢就用一支黑色嘅管開始由我個鼻插入喉嚨，嗰條黑色嘅管，個頭有光，原來係鏡頭，亞醫生重叫我睇住個大螢幕，咁我就覺得好似睇緊ER或者鏗鏘集，但係螢幕映出嚟嗰啲器官係我個囉﹗真係有啲驚﹗首先見到嘅梗係鼻毛啦，放大咁多倍，好粗好粗呀﹗黑忟忟，咦......  跟住去到我嘅鼻膜，亞醫生一睇就知我有鼻敏感，之後我都唔知係邊到，醫生就話：嗱，呢到就係你嘅聲帶喇。吓.....哦.....都唔係我諗咁樣嘅，原來係似一個"V"字嘅器官，你講嘢呀，吞口水就會合埋，就係因為我有一粒息肉响到，唔能夠合埋哂，所以變成沙聲......

睇完之後，醫生話可以做手術切除，係一個十幾分鐘嘅小手術，不過要全身麻醉，吓....咁大鑊﹗唔好啩﹖﹗醫生見我面有難色，就見議我不如見吓言語治療師教我講嘢同點樣用氣先，响呢段期間要休息多啲，飲多啲水，唔好食煎炸嘢，一個月後再照多一次，都有50%好番。我梗係選擇後者啦。

真係有啲Sad，我開始諗，咁我咪唔可以再唱歌囉﹖諗到呢到........個鼻開始好酸....好酸......
第一時間打電話比七公話比佢聽，佢話我應該要感恩，因為只係息肉嘅問題.........唉......我都知.....
但係一時間好難去接受一個好想唱歌，但係唱唔到嘅我......

神呀﹗救救我吧﹗

沙聲的日子

從四月頭嘅培靈營到而家都已經有一個多月嘅時間，但係我把聲就沙到而家。有一日亞七反問自己，點解响呢件事上，無發過一次脾氣或顯出唔耐煩﹖鐘意唱歌嘅亞七應該會好忟至係，但又真係無乜唔開心喎﹗

其實，响2005年亞七去完"訪韓"之後，都沙聲咗一個月，以為唔洗睇醫生，唔講咁多嘢，飲多啲水，應該OK。但結果一個月後，我都係去咗睇，重記得當時食咗葯就無事。但今次我未到一個月已經去睇生，但係都係唔得，結果係31/5要去睇耳鼻喉科，再深入啲去了解乜嘢事。

當亞七問自己同神點解無唔開心嘅時候，我想起一件事．．．．．．响幾年前，亞七唔舒服失聲，返教會敬拜唱唔到歌有啲唔開心，但就喺嗰一刻，神問："亞七，你係鐘意唱歌，所以聽到音樂就即刻唱，定係真係敬拜我呢﹖你無聲唱歌唔代表你唔可以嚟敬拜我，反而比自己一個空間去思想歌詞嘅內容，比一個時間去聽其他人嘅歌聲，我都會好喜悅﹗"

記返起呢件事，我要再一次調較自己嘅角色，亞七點唱歌叻都好，都要去感恩，要再謙卑响神裏面。

安靜......等候......我想呢個就係我無發脾氣嘅原因......

希望神比我响24/6之前好番，因為我要做詩班。

切切禱告﹗

寫Blog有乜好﹖

近期五姨問我：寫Blog有乜好﹖點解時下嘅人都鐘意寫Blog呢﹖然後下咗一個評語：啲人就嚟唔識點用個口表達自己﹗

你又點睇呢﹖亞七寫Blog嘅原因，係因為：

1) 開始寫Blog嘅時候，啱啱學咗倉頡，咁就要練習一下囉；
2) 由細到大都喜歡寫作，或者係老作啦﹗ Blog，只不過給我一個空間發表發表；
3) 亞七都係一個不大喜歡說出感受嘅人，唔開心嘅時候，唔會講任何嘢，七公點氹我都唔會講有乜嘢令我唔開心，攪到七公束手無策﹗但係你叫亞七寫就無問題，所以家下我唔開心，有時都會寫封信比七公架﹗
4) 當個Blog係日記囉，可以做個紀念嘛﹗

咁，係唔係我哋就嚟唔識用把口去表達自己呢.............

除咗食、飲、講人哋是非、鬧交之外，亞七希望把口能夠唱歌讚美神，講一啲造就人、可以安慰人嘅說話，重有，同家人分享自己嘅事，同朋友一齊風花說月，同七公講小秘密......

最後，我唔希望因為我寫Blog, 我把口會變癈.......

上得山多終遇茄

上山食晏嘅原因，係因為山腰啲嘢食，越嚟越無新意又起價，所以間唔中我都會上山食，雖然要行一段幾長嘅路，但係真係好食啲同抵啲﹗最得我歡心嘅係幾個月前推出嘅"鮮茄肉片湯河"﹗鍾意嘅原因：

1) 好抵食，大大碗但只買十六個大洋﹗
2) 新鮮番茄切到細細粒，容易食，又無加糖，酸酸地，夏天食真係好醒胃﹗
3) 一大碗有齊肉、菜、蔬果同粉，營養十足呀﹗

除咗肉片之外，重有肥牛選擇，不過就要二十個大洋，無法啦，肥牛貴啲嘛﹗

其他推介有：

1) 大大粒魚肉燒賣，五個大洋，真係好大粒﹗
2) 大大杯紅豆冰，只買三個大洋﹗正﹗夏天必食﹗
3) 木桶豆腐花，都係買三個大洋，無乜特別，但勝在山腳山腰都無得食，獨家發售﹗

晏 — 好重要架，因為下晝有無精神工作就靠佢喇﹗哈哈﹗

小可愛

星期六 (12/5/07) 到咗公主屋企玩，除了因為玩駙馬新買嘅Wii之外，最重要是看看快5個月的溫小B﹗哈哈﹗沒有見3個月，大隻咗，可愛咗，重開始講說話，超可愛﹗我覺得每個BB都係安琪兒，雖然佢哋會喊，會疴臭臭，但係見到佢哋一日一日咁長大，真係好開心﹗七公：我都要生一個可愛的小七呀﹗

去到公主屋企，無停過食呀﹗有公主嘅皇家金菇牛肉卷、駙馬嘅皇家墨魚丸、珍姨嘅鎮江骨，重有新鮮茄汁燴意粉﹗喺呢到多謝公主同駙馬嘅款待﹗真係好味架﹗

 

為家人爭戰禱告

萬軍之耶和華：

我要宣告：你是黎家之主﹗你是黎家的王﹗除了你沒有別的神可以幫助我們﹗求你憐憫我們﹗我要奉主耶穌的名叫那惡者離開﹗不要在奶奶、老爺、家姐及老公的耳邊說謊話﹗撒旦你退去吧﹗奉主耶穌的名吩咐你離開﹗主啊﹗求你將恩惠傾倒在這個家每一個角落，求你赦免我們的罪，用你的血塗抹我們的過犯，願“當信主耶穌，你和你一家都必得救”這句應許，切切實實的臨到我們的家人。父啊﹗我又求你釋放我們，因為我們被金錢所捆綁﹗我奉主耶穌的名去釋放我們的心﹗不要再被金錢迷惑﹗主啊﹗幫助我們﹗因為我們不能自救，我們再沒有能力對付﹗我呼求你﹗我呼求你﹗求你快快幫助我們﹗我們就像在浮沙一樣，快被浮沙掩死，當家人想拉在浮沙中的人後，自己也不能脫離那浮沙，一個一個，以為自己可以救他，但想不到連自己也踏入了這陷阱﹗唯有你﹗唯有你﹗求你伸出恩手，用愛拉起我們，用你的愛帶我們到那平安的青草溪水旁﹗主啊﹗求你的愛大大的澆灌在這個家中，因為愛才能讓我們不畏懼，愛才讓我們脫離死亡﹗主啊﹗我再一次宣告：你是黎家的主﹗從今時直到永遠﹗

奉主耶穌得勝的名字祈求，阿門﹗

知識改變命運﹖

知識改變命運﹖

阿七認為：錯﹗

知識可以改變生活質素，可以改變人的價值觀，但改變不到生離死別，人往往到了這些場景，無論你有幾好的知識，有幾多錢，人 — 都會變得平等。

曾經有學者說過：哲學 — 是讓人知道“是”與“非”，宗教 — 是讓人知道“善”與“惡”，耶穌基督 —是讓人知道“生”與“死”。

耶穌說：我來了，是叫人得生命，並且得的更豐盛。

其實生命最重要的元素是什麼﹖阿七認為是愛﹗

聖經說：我若能說萬人的方言，並天使的話語，卻沒有愛，我就成了鳴的鑼，響的鈸一般。我若有先知講道之能，也明白各樣的奧秘，各樣的知識，而且有全備的信，叫我能夠移山，卻沒有愛，我就算不得甚麼。我若將所有的賙濟窮人，又捨己身叫人焚燒，卻沒有愛，仍然與我無益。

愛 — 可以改變世界；愛 — 可以改變未來；阿七可以擔保，愛 — 可以改變命運﹗

那愛從何來﹖

聖經說：我們應當彼此相愛，因為愛是從神來的，凡有愛心的，都是由神而生，並且認識神。沒有愛心的就不認識神，因為神就是愛。神差他獨生子到世間來，使我們藉著他得生，神愛我們的心，在此就顯明了。不是我們愛神，乃是神愛我們，差他的兒子，為我們的罪作了挽回祭，這就是愛了。

 

深圳地鐵的溫馨提示

節約是一種美德，
節儉是一種精神，
節省是一種優點；
浪費是一種劣習，
揮霍是一種惡行，
奢侈是一種缺陷。

(好句好句﹗)

急聘

急聘

- 職位空缺：無限
- 學歷不限
- 年齡不限
- 性別不限
- 性格不限
- 24 小時on call
- 有方向，有異象
- 薪金優厚，包保你食長糧 (特設天堂紅簿仔，財寶在天上)
- 福利佳，包你善終服務，一早知你死咗去邊到
- 同工好，包你感到無限温暖，笑聲笑聲滿載温馨
- Team Work，毫無悶場，包你每一天過得非常充實
- 心情靚，包你一世平安如江河
- 愛到底，無論你怎樣，一定愛你愛到底

如有興趣，不用寫履歷表，不用面試，只需一個字 - 信

如相信的話，請 click 以下網址：

http://franki.dyndns.org/images/flash/GoodNewsBridge.swf

有無咁大隻蛤蜊隨街跳﹖﹗有﹗

因我們還軟弱的時候，基督就按所定的日期為罪人死。為義人死，是少有的，為仁人死，或者有敢作的。惟有基督在我們還作罪人的時候為我們死，神的愛就在此向我們顯明了。
羅馬書 5 : 6-8

April 4 - 7, 2007 培靈營

在此多謝各位有份籌備二零零七年四月四日晚至七日烏龜沙培靈營的弟兄姊妹﹗
Thank you very much!!! 

他本有神的形像，不以自己與神同等為強奪的，反倒虛己，取了奴僕的形像，成為人的樣式，既有人的樣子，就自己卑微，存心順服，以至於死，且死在十字架上。所以神將他升為至高，又賜給他那超乎萬名之上的名，叫一切在天上的、地上的、和地底下的，因耶穌的名，無不屈膝，無不口稱耶穌基督為主，使榮耀歸與父神。   腓立比書 2 : 6-11

他誠然擔當我們的憂患，背負我們的痛苦，我們卻以為他受責罰，被神擊打苦待了。那知他為我們的過犯受害，為我們的罪孽壓傷，因他受的刑罰我們得平安， 因他受的鞭傷我們得醫治。我們都如羊走迷，各人偏行己路，耶和華使我們眾人的罪孽都歸在他身上。   以賽亞書53 : 4-6

在四日三夜的營會中，我完全感到耶穌所受的刑罰真的使"我"得平安，因他受的鞭傷真的使"我"得醫治。

在這幾個月，靈命跌入低潮，深知不能沒有神，但又不順服他，"老我"經常出現，就如經上所記，我 ─ 如羊走迷，我 ─ 偏行己路，有時我會想，我幾時可以走出這困局﹖感謝主，他讓我透過敬拜再和他連繫。在第一天晚上，營會再次播放耶穌揹負十字架的情景，有一幅圖是耶穌跌倒了，然後畫面出現"受不了..."三個字.......呀﹗我真的受不了﹗受不了工作....受不了生活.....受不了家庭...每一天都是自己捱，自己處理，很辛苦，好像沒有出路....我哭了.....然而，愛我的主，將我這三個字扛上去......多謝你，我知你是最愛我，最知道我感受的那一位﹗

另外，敬拜讚美學校的服侍也令我得醫治。其實在前一天，契媽、阿蓮和我在談心，我向她們分享了一件心事，雖然當時的情緒沒有什麼，我也不知道我是否仍然耿耿於懷。但到了第二天，敬拜讚美學校的同工用敬拜讓我們親近神，我向神說，求神來擁抱我，但神讓我看見"他"，眼淚不自覺地開始流，神讓我知道，我還是很在意這件事，神問：七，你會原諒他嗎﹖當時我沒有回應祂，但我感謝神給我知道我的傷痕在那裏，以後我就知道怎辦了﹗

在這營會中，好開心能和一班姊妹促膝詳談，多謝契媽和阿蓮幫我搬床褥，永世難忘﹗因為實在太攪笑﹗多謝B101所有姊妹收留我一起聊天，多謝七公放我出去玩，感謝主有你們在我身邊﹗

謝主隆恩﹗

重生紀念日

23/1 係我嘅重生紀念日，7年前嘅今日，我响眾人面前同耶穌同釘、同死、同復活，受洗加入教會。

好多識我嘅人會覺得，我係一個宗敎狂熱，唔明白我點解咁投入，我好想話比大家聽，因為我所信嘅，唔止宗教咁簡單，係關乎我嘅生命，有無人唔理自己嘅生命呢﹖

回想呢七年，有好多恩典，"恩典" - 不是每天都天色常藍，無風無浪，而是就算有這些日子，我都可以靠着神，靠着祂去面對、去渡過。謝主隆恩﹗

7 - 在聖經中最完美的數字，希望嚟緊嗰七年，我都倚靠着祂，順服祂的帶領﹗

p.s.

如對我的信仰有興趣，可以Click以下網址：
http://home.hkicable.com/janan/law/index.html

 

 

2006年聖誕節 (2)

25/12/2006

早上响屋企休息，下晝就去咗公主同駙馬嘅新居，地點唔講喇，睇相啦﹗

 

我最鍾意係個露台，可以曬衫，不過我同七公都唔係好敢行出去，因為公主駙馬住得太高，我同七公都有畏高，唯有响個廳到望出去啦﹗公主駙馬好客氣，整咗好多好食嘅招呼我哋呢班平民，多謝公主駙馬聖寵﹗

離開咗皇宮之後，我同七公就去咗四姨屋企開一年一度嘅Family Christmas Party，由於啲細路大個喇，我哋啲長輩都無買禮物，反而今年嘅遊戲係"一擲千金"兒童版，啲銀碼梗係細啲啦，啲錢邊個贊助﹖梗係啲長輩啦﹗好彩，當日6個細路，兩個人一組，都無抽到最高金額個箱，如果唔係，啲長輩一定"our our"聲﹗最攪笑係用 Airwaves香口膠個盒做"Banker一口價，買定唔買"嗰個制，大家都玩得好開心﹗至於食方面，由四姨新請返嚟個菲傭Rose負責，不過最出息嘅就係七嫂親自炮製嘅蛋糕﹗簡直好似响街買一樣﹗

今年聖誕真係好忙，希望下一年可以真真正正休息一下﹗